قاطو النمر

هذاالقاطوشكلو هايل ومايكلفش بزاف وهشيش يذوب في الفم

المقادير 

250غ زبدة طرية
رشة فانيلا
4ملاعق كبارسكر ناعم
2صفار بيض
4ملاعق كبار كوكاو محمص ومرحي رقيق
نصف ملعقة صغيرة خميرة الحلويات
فرينة

للتلصيق

125غ زبدة
نصف كاس سكر ناعم
عطر الموز(اختياري)

للتزيين

500غ سكر ناعم
ماء الزهر
عصير الليمون
نصفب بياض بيضة
كاكاو بني
كاكاواسود
ناكري ذهبي

طريقة التحضير

خلطي المكونات مع بعض بالترتيب ولمي بالفرينة حتى تتحصلي على عجينة طرية حليهاواطبعي دوائر وطيبيهم في الفرن بعدها حضري كريمة الزبدة ,خلطي الزبدة مع السكر وعطر الموز او اي عطر حبيتيه وطلعيهم بالباتور حتى يولي لونها فاتح شوية لصقي كل حبتين بهذي الكريمة ووجدي القلاصاج ديري السكر وزيديلو ماء الزهر حتى يولي عجينة اعجنيها شوية وضيفيلها بياض البيض وخلطي وزيدي عصير القارص حتى تولي جارية شوية وجاهزة للاستعمال نحي شوية قلاصاج لونيه بالكاكاو البني وواحد اخر لونيه بالكاكاو الاسود ومباعد اغطسي القاطو نتاعك في القلاصاج كل ماتغطسي حبة ديريلها دوائر بالقلاصاج البني بشكل عشوائي وكل دائرة حوشيها بالقلاصاج الاسود بدون ماتكملي الدائرة للاخيرخليها تنشف وديريلها الناكري الذهبي