الثلاثاء، 25 يوليو، 2017

عصير البرقوق



المقادير:

كيلو برقوق
كاس سكر
2لتر ماء

طريقة التحضير:

نضع البرقوق مع الماء والسكر في طنجرة ونخليهم يغلو حوالي ربع ساعة

نصفي الماء اللي تغلى فيه البرقوق ونبردو ونقدمو والمذاق روووووعة
اما البرقوق اللي يبقى نحيلو النواة والقشرة ونرحيه
ونضيفلو نصف كاس سكر وكاس ماء ونخليه يغلي فوق النار حوالي خمس دقائق حتى يصبح لديك مربى البرقوق

الاثنين، 12 يونيو، 2017

قلب اللوز





المقادير:

3كيلات سميد خشن او متوسط
كيلة ونصف سكر
نصف كيلة زيت
1ياؤورت طبيعي
رشة ملح
رشة فانيلا
ماء الزهر

للشاربات:

3كيلات ماء 
كيلة ونصف سكر
شريحة ليمون

طريقة التحضير:

اولا نحضر الشاربات نضع السكر والماء وشريحة الليمون فوق النار مدة ربع ساعة ونطفي
ومن جهة اخرى نضع السميد مع السكر والملح والفانيلا ونخلطهم
هذا هو السميد اللي استعملتو

نضيف الزيت والياؤورت ونبسسهم باصابعي
نضيف القليل من ماء الزهر حتى يتشمخ الخليط يعني مايكون جاري مايكون قاسي ونخليه يرتاح مدة ساعتين
ندهن المول نتاعي بالزيت ونفرغ الخليط بلا ما نضغط عليه نعدل السطح بظهر ملعقة ونحدد الحبات بالسكين ونزينو باللوز
ندخلو للفرن لما يتحمرمليح من الاسفل نطفي عليه
نشعلو من الفوق
لما يتحمر نحيه ونسقيه بالشاربات
ونغطيه بصينية ونرجعو للفرن وهو طافي وسخون نخليه يبات ليلة ومباعد نقطعو وبالصحة والهناء

الأحد، 11 يونيو، 2017

طاجين اللحم الحلو






المقادير:

لحم غنمي
اعواد قرفة
7او8 حبات قرنفل
فواكه جافة(زبيب,مشمش,العينة)
كاس سكر
نصف لتر ماء
القليل من الزبدة

طريقة التحضير:

 نضع اللحم مع الزبدة فوق النار مدة دقيقتين نضيف
اعواد القرفة والقرنفل
ثم السكر والماء
ونخليهم فوق النار لما يغلي نضيف الزبيب والمشمش الجاف ونخليهم فوق النار حتى يطيبو
اما العينة فنطبخها وحدها في الماء لما تكون قريب تنضج نحيها يعني نحيها نص طياب ومباعد نضيفها للطاجين نتاعنا لما يقرب يطيب نضعها حوالي عشر دقائق فقط ونطفي والتزيين طبعا اختياري انا زينتو بالجلجلان وشرائح الاناناس على شكل وردة 


 

الأحد، 23 أبريل، 2017

كب كيك الشوكولا


المقادير

4بيضات
كاس سكر
نصف كاس زيت
1ياؤورت شوكولا(دانيت)
1خميرة كيميائية
2كاس فرينة
2ملعقة كاكاو

للتزيين

200غ شوكولا
200مل كريم فريش

طريقة التحضير

 نخلط المواد الجافة مع بعض الفرينة والكاكاو والخميرة ونضعهم جانبا
ومن جهة اخرى نخلط البيض والسكر مليح حتى يبياض الخليط نوعا ما

نضيف الزيت والياؤورت ونخلط

وفي الاخيرنضيف خليط المواد الجافة ونخلط مليح حتى تتجانس المكونات

نضع الخليط في الاكياس الورقية الخاصة بالكب كيك وندخله للفرن حتى يطيب

وفي هذه الاثناء نحضر الغناش اللي نزين بيه الكب كيك نذوب الشوكولا مع الكريم فريش فوق حمام مائي ونخليهم يبردو مليح ونطلعهم بالباتور ونزين بيهم 



الخميس، 9 مارس، 2017

عصير البرتقال


المقادير

كيلو برتقال
حبة ليمون
نصف لتر ماء
سكر حسب الذوق

طريقة التحضير

نعصر البرتقال وحبة الليمون في العصارة

نضيف الماء والسكر حتى نلحق لدرجة الحلاوة اللي نحبها
نصفيه ونقدمه بارد

الأحد، 5 مارس، 2017

شاورما بخبز التورتيلا



مقادير التورتيلا:

5كيسان  فرينة
4ملاعق كبيرة زيت
نصف ملعقة كبيرة سكر
نصف ملعقة كبيرة خميرة الخبز
ملعقة صغيرة ملح
ماء دافئ
نضع المكونات كلها مع بعض

ونلم بالماء الدافئ حتى تصبح عجينة طرية نعجنها حوالي دقيقتين فقط ونقسمها الى كويرات هذه الكمية تعمل حوالي عشر خبزات

نغطيها بمنديل ونخليها ترتاح مدة 20دقيقة الى نصف ساعة بعد ماترتاح نحل الكويرات بسمك رقيق وبمساعدة الفرينة
نطيبهم فوق طاجين الحديد او في مقلاة تيفال
كي نحط الخبزة تطيب نلاحظ وجود فقاعات صغار بمجرد مايظهرو نقلبها على الوجه الثاني


كي يطيب الوجه الثاني نرجعها للوجه الاول حتى تكمل طيابها وما نحمرهاش بزاف راها ما تاخذش وقت كبير في الطياب وكي نحيها نحتفظ بيها في كيس بلاستيكي باش ماتيبسش

مقادير الشاورما:

صدر دجاج مقطع قطع صغيرة
علبة ياؤورت طبيعي
ملعقة صغيرة فلفل اسود
ملعقة صغيرة ملح
ملعقة صغيرة راس الحانوت
ملعقة صغيرة فلفل احمر
2فصوص ثوم
جومبو الدجاج

طريقة التحضير :

نخلط كل المقادير مع بعض ونخليهم يباتو ليلة كاملة او على الاقل ساعتين حتى يتبل الدجاج مليح

في مقلاة نقطع بصلة وحبة طماطم وفلفل اخضر ونقليهم مع شوية زيت

نضيف عليهم خليط الشاورما  ونخليها تطيب
راح نشوف بلي بدات تطلق في الماء نخليها حتى ينشف هذاك الماء ويطيب الدجاج نتاعي نحيها
نحط اوراق السلطة في الخبز وفوقهم قطع الطماطم
نحط الشاورما
نحط المايونيز والهريسة
ونلفها ونقدمها
والنتيجة هااااااااااااااااااااايلة بنتها احسن من اللي نشروها روووووووعة
جميع الحقوق محفوظة لــ Samra4home 2015 ©