الميلفاي

المقادير

العجينة المورقة
كريم باتيسيير
فوندون
شكولا ذايبة مع القليل من الحليب

طريقة التحضير

نحل العجينة المورقة رقيقة

ونقسمها الى ثلاث اقسام متساوية نحطها في البلاطو ونثقبها بالفرشيطة مليح

 باش ماتطلعليش ومن الاحسن نغطيها بورق الزبدة ونحط فوقها بلاطو اخر

وندخلها للفرن حتى تحمار

نخليها تبردومباعد نحط القطعة الاولى ونحط فوقها الكريم باتيسيير ونحط فوقها القطعة الثانية ونزيد نحط الكريم باتيسيير

ومباعد نحط القطعة الاخيرة ونضغط عليها شوية باش تلصق القطع مع بعض

نذوب الفوندون فوق النار ونضيفلو شوية ماء حتى يلحق للقوام المطلوب لكن مانسخنوش بزاف لازم يبقى دافي فقط ماهو بارد ماهوسخون وباش تعرفيه المسيه بيدك

حطي الفوندون فوق القطعة الثالثة والاخيرة وغطيها كامل

ومباعد اعملي خطوط بالشوكولا

وبواسطة عود خشبي او اي شئ رقيق اعملي خطوط متعاكسة (خط رايح وخط جاي)

خليها تنشف ومباعد قطعيها وقدميها والنتيجة هايلة بنة ولا اروع تماما مثل اللي يتباع او احسن قليلا