المقادير
دجاجةملعقة كبيرة ملح خشن
ملعقة صغيرة فلفل اسود
ملعقة صغيرة كركم(عرق اصفر)
ملعقة صغيرة فلفل احمر (عكري)
ملعقة صغيرة راس الحانوت(بهارات مشكلة)
ملعقة صغيرة هريسة
ملعقة صغيرة ملح
4 فصوص ثوم
عصير حبة ليمون
فنجان زيت
كاس ماء
ملعقة كبيرة سمن اوزبدة
طريقة التحضير
اول حاجة نرش حوالي ملعقة كبيرة ملح خشن فوق الدجاجة نتاعي من كل الجوانب وندير فيها ثقوب في اماكن مختلفة وكل ثقب نحط فيه نص فص ثومومباعد نوجد التتبيلة نتاعي , نرحي حوالي 4فصوص ثوم مع ملعقة صغيرة ملح ونضيف باقي التوابل ونضيف عليهم عصير الليمون والزيت وندهن بيهم الدجاجة من الخارج والداخل ونربط الارجل بخيط و نخليها تشرب الصلصةحوالي 4ساعات ومن الاحسن ليلة كاملة ومباعد ندهنها بالسمن
ونحطها في مول فيه كاس ماء وندخلها للفرن وبعد ربع ساعة نحيها من الفرن ونعمل فيها عدة ثقوب براس السكين ونسقيها من الماء اللي كانت تطيب فيه ونرجعها للفرن وكل ربع ساعة نعاود نسقيها باش ماتطيبش ناشفة وتشرب لاصوص خليها في الفرن حوال ساعة ونصف او ساعتين حتى تحمار من الفوق ونحيها
ليست هناك تعليقات:
إرسال تعليق