الدونات بالشوكولا
جبتلكم طريقتي الساهلة لي نخدم بيها الدونات والنتيجة هايلة من الفوق مقرمشين ومن الداخل طريين والبنة ولا اروع واهم حاجة انو مقليين ولكن مايشربوش الزيت نتمنى انو تجربوها وتنجحلكم وتدعولي بالخير.وهذا عن قرب
وهنامن الداخل شوفو وكفاش راهي هشيشة اممممم
المقادير
3كيسان فرينة
ثلث كاس سكر
ملعقة صغيرة ملح
رشة فانيليا
ملعقة كبيرة خميرة الخبز
كاس حليب فاتر
2ملعقة كبيرة زبدة ذايبة (يمكن استبدالها بالزيت)
بيضة واحدة
طريقة الاستعمال
اول حاجة نحط الخميرة مع 3 ملاعق حليب فاترمن الكمية المذكورة وملعقة صغيرة سكر
ونخليها تخمر مدة 5 دقائق
بعدها نحط المواد الجافة مع بعض الفرينة والسكر والملح والفانيليا ونخلطهم شوية
ونضيف عليهم المواد السائلة البيضة والزبدة والحليب وخليط الخميرة والحليب
ونلم العجينة واذا شفتي العجينة جارية شوية زيديلها الفرينة وهذا راجع لنوعية الفرينة
ولكن ماتزيديش الفرينة بزاف حتى تولي قاسية خليها جارية شوية وتلصق
نوعا ما باليد اعجنيها حوالي 10 دقائق وبعدها خليها ترتاح نصف ساعة
بعد ماترتاح لميها بايدك وخرجي الهواء الموجود فيها وحليها بسمك 1.5سم تقريبا
واطبعي بمول دائري الحجم لي تحبيه وزيدي اطبعي بمول صغير في وسط الدائرة
حتى تولي على شكل دونات خليهم يرتاحو مرة ثانية مدة نصف ساعة حتى يتنفخو شوية
اقليهم في زيت ساخن من الجهتين حتى تولي ذهبي خليها تبرد شوية واغطسيها في
الشوكولا لي كنتي ذوبتيها مع شوية حليب وفي الاخير نتمنى اني نكون افدتكم ولو بالقليل.
هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص
ليست هناك تعليقات:
إرسال تعليق