بسكوي رولي بالغناش biscuit roulé au chocolat - Samra4home

جديـد سمر

اعلان

اعلان

الأربعاء، 12 أكتوبر 2016

بسكوي رولي بالغناش biscuit roulé au chocolat


هذا البيسكوي خفيف وبنين بزاف خاصة لمحبي الشوكولا وباش نوجدوه اول حاجة نحضرو الغناش اللي نحتاجو فيه للمقادير التالية

مقادير الغناش

200 غرام شوكولا
200 غرام كريم فريش
طريقة التحضير
سخني الكريم فريش مليح ونحيها من النار وضيفي عليها الشوكولا وخلطيها حتى تذوب حطيها في الثلاجة نصف ساعة تبرد مليح ومباعد طلعيها بالباتور حتى يتغير لونها ويولي فاتح وثاني خطوة هي الجنواز اللي نحتاجو فيه المقادير التالية

مقادير الجنواز

5 بيضات
125غ سكر
115غ فرينة
10غ كاكاو

طريقة التحضير

حطي البيض والسكر مع بعض وطلعيهم مليح بالبيتخان ولا بالباتور حتى يتضاعف حجم الخليط ويصبح ابيض غربلي الفرينة مع الكاكاو و ضيفيها للخليط على 3دفعات ولا 4 وخلطي من اسفل لاعلى بهدوء وحاولي ماتخرجيش الهواء الموجود فيها لانو هو سر نجاح الجنوازفرشي صينية الفرن بورق الزبدة وحطي فوقها الخليط ودخليها للفرن تطيب بعد ما يطيب الجنواز اقلبيه على ورق الزبدة ونحي الورق لي طيبتيه فيه غطي الجنواز بالغناش لي حضرتيه سابقاولفيها على نفسها وزيدي حطي الغناش من الفوق وغطي البيسكوي نتاعك كامل بالغناش وفي الخير زينيها كيما تحبي وحطيها في الثلاجة مدة نصف ساعة ومباعد قطعيها وبالصحة والراحة 

ليست هناك تعليقات:

إرسال تعليق

اعلان

احصل على القالب من عالم المدون