تارت الطبقات بموس الشوكولا

هذي التارت درت فيها جينواز بالفاني ووحدة بالكاكاو وموس الشوكولاوكريمة الشانتييه مع كريمة الزبدة وغلفتها بالغناش 

مقادير الجينواز

4بيضات
كاس سكر
كاس فرينة
ملعقة فانيلا سائلة

طريقة تحضيرالجينواز

نخلط البيض مع السكر والفانيلا ونضربهم مليح حتى يتضاعف حجم الخليط ويصبح لونه فاتح

نضيف الفرينة المغربلة على دفعتين او ثلاث ونخلط من الاسفل للاعلى بلا ما نخرج الهواء الموجود داخل الخليط

نفرغ الخليط في قالب مفروش بورق الزبدة وندخله للفرن حتى يحمار

نحي الجينواز ونقلبها فوق مشبك ونخليها تبرد ونقسمها الى ثلاثة اقسام ونعمل واحدة اخرى بنفس الطريقة فقط نضيف لها ملعقتين كاكاو

مقادير موس الشوكولا

2صفار بيض
3ملاعق كبيرة سكر عادي
2ملاعق كبيرة نشاء 
نصف لتر حليب
100غ شوكولا سوداء
200مل كريم فريش

طريقة تحضير الموس

نخلط البيض مع السكر والنشاء والحليب ونضعهم فوق النارمع التحريك المستمر حتى يخثار الخليط

نحيه من النار ونضيف الشوكولا ونخلط حتى تذوب داخل الخليط

نخليه يبرد ونطلع الكريم فريش بالباتور

بعد ما تطلع نضيف لها الخليط اللي وجدتو شرط يكون بارد ونخلطهم مع بعض 

مقادير كريمة الشانتييه

100غ كريمة الشانتييه
100مل ماء بارد
200غ كريمة الزبدة
نخلط الكريم شانتييه مع الماء ونطلعهم بالباتورمليح بعد ما تطلع نضيف كمية كريمة الزبدة ونخلطهم مع بعض

مقادير الغناش

300مل كريم فريش
300غ شوكولا
75غ زبدة

طريقة تحضير الغناش

نحط الكريم فريش مع الشوكولا ونذوبهم فوق حمام مائي

بعد مايذوبو  نحيهم من النار ونضيف الزبدة ونخليها تذوب معاهم 

طريقة تحضير التارت

نضع قطعة من الجينواز بالفاني

ونضع فوقها موس الشوكولاونغطيها كامل

نضع قطعة اخرى من الجينواز بالكاكاوونضع فوقها كريمة الشانتييه

ونغطيها بقطعة اخرى من الجينواز بالفاني وهكذا حتى نكمل كل القطع

نغطيها من الفوق بموس الشوكولا

ونسكب فوقها الغناش ونخليها حتى تنشف

ناخذ الغناش المتبقي ونطلعه بالباتورونزين بيه لاتارت نتاعي والتزيين طبعا اختياري وهذا شكلها من الداخل