غراتان بالكرنب(الملفوف ,الكرم)

هذي الغراتان بنينة بزاف وحتى اللي مايحبش الملفوف رايحة تعجبوجربيها وشوفي 

المقادير

راس كرنب
250غ لحم مرحي
علبة حمص
ارز مسلوق في الماء والملح
قطعة دجاج
فصين ثوم
فلفل اسود
ملح
قرفة
كسبر اخضر
حبة بصل
5بيضات
زيت

طريقة التحضير

اول حاجة حضري لاصوص بيضاء بالدجاج اي حاجة كانت عندك الجناح ولا حتى العظام ,قطعي البصل رقيق وذبليه في شوية زيت زيدي الثوم ورشة فلفل اسود وملح وقطعة الدجاج حمصيهم مليح ومباعد مرقي بالماء وحطي الحمص وخليها تطيب في هذه الاثناء وجدي اوراق الكرنب نتاعك ,لكي تفصلي الاوراق عن بعضها بسهولة ديري الماء في طنجرة وحطيها فوق النار كي يسخن الماء حطي راس الكرنب ونحي بالورقة رايحين يتفصلوعلى بعض بسهولة اغسليهم مليح وخليهم يقطرو وحضري الحشو خلطي الفيونداشي مع الارز المسلوق ورشة قرفة ورشة فلفل اسود وملح وكسبر اخضر واجمعيهم بحبة بيض افتحي اوراق الكرنب وحطي حربوش من الحشو فوق كل ورقةولفيها مباعد اغطسيهم في البيض واقليهم. حطي الكرنب نتاعك في المول وغطيه بالصلصة البيضاء اللي طيبتيها ودخليه للفرن وكي تشرب شوية لاصوص وتنشف شوية نحيها وقدميها انا قدمتها مع كريات الدجاج